სიახლეები
ნოე 21, 2025
ახალგაზრდა მკვლევართა სამეცნიერო კონფერენცია თელავში
- მიმდინარე წლის 19 ნოემბერს იაკობ გოგებაშვილის სახელობის თელავის სახელმწიფო უნივერსიტეტში შედგა სამეცნიერო კონფერენცია ახალგაზრდა მკვლევრების, დოქტორანტების მონაწილეობით. კონფერენცია ჩატარდა გელათის მეცნიერებათა აკადემიის ორგანიზებით; კონფერენციას უძღვებოდა გელათის მეცნიერებათა აკადემიის აკადემიკოსი, დეკანოზი ბიძინა გუნია.
- ღონისძიების ფარგლებში გელათის მეცნიერებათა აკადემიასა და იაკობ გოგებაშვილის სახელობის თელავის სახელმწიფო უნივერსიტეტს შორის გაფორმდა ურთიერთთანამშრომლობის მემორანდუმი;
- კონფერენციას ესწრებოდნენ საქართველოს საპატრიარქოს საეკლესიო გალობის სასწავლო-კვლევითი ცენტრის ხელმძღვანელი ამბა ალავერდელი მიტროპოლიტი დავითი, უნივერსიტეტის რექტორი, პროფესორი შალვა ჭკადუა, გელათის მეცნიერებათა აკადემიის აკადემიკოსები, უნივერსიტეტის პროფესორ-მასწავლებლები და სტუდენტები.
- კონფერენციაზე ერთ-ერთი მოხსენება დაეთმო ქართული საეკლესიო გალობის აქტუალურ საკითხებს; თბილისის ვ. სარაჯიშვილის სახელობის სახელმწიფო კონსერვატორიის საეკლესიო მუსიკის მიმართულების დოქტორანტმა, თბილისის სასულიერო აკადემიისა და სემინარიის გალობის მასწავლებელმა, ლაშა ზაალიშვილმა წაიკითხა მოხსენება თემაზე „სამუსიკო ტერმინ ავაჯის შესახებ“.
- კონფერენციაზე ქართული საეკლესიო საგალობლები ალავერდის საკათედრო ტაძრის გუნდმა შეასრულა.
ბავშვთა გუნდმა ალავერდის საკათედრო ტაძარში იგალობა
გაიგე მეტი
ლექციები და მასტერკლასები საქართველოს რამდენიმე ეპარქიაში
გაიგე მეტი