საქართველოს საპატრიარქოს საეკლესიო გალობის სასწავლო-კვლევითი ცენტრის სპეციალისტები აგრძელებენ მუშაობას საქართველოს სხვადასხვა ეპარქიაში.  ისინი ატარებენ ლექციებსა და მასტერკლასებს მგალობელთა გუნდებისთვის.

ეკლესია-მონასტრების გუნდებისთვის მასტერკლასების შეთავაზება მიზნად ისახავს  პროფესიული გამოცდილების გაზიარებას, საშემსრულებლო ხელოვნების დონის ამაღლებასა და გაუმჯობესებას. 

ტატიანა მეგრელიძემ  მასტერკლასები ჩაატარა ახალციხისა და ტაო-კლარჯეთის და ბორჯომისა და ბაკურიანის ეპარქიებში. 

იმავე ეპარქიებში ქართული სამგალობლო ტრადიციების შესახებ საჯარო ლექციები წაიკითხა მაგდა სუხიაშვილმა. ლექციების მიზანია ქართული მრავალსაუკუნოვანი სამგალობლო ხელოვნების პოპულარიზაცია.