საქართველოს საპატრიარქოს საეკლესიო გალობის სასწავლო-კვლევითი ცენტრის მხარდაჭერით, მგალობელი სერგი მეგენეიშვილი საეკლესიო გალობასა და ხალხურ სიმღერას ასწავლის სოფლების – ნავაზის, მისაქციელისა და ნატახტარის – მოსწავლეებს. რამდენიმე საგალობელი ბავშვებმა უკვე შეასრულეს სოფელ ნავაზის ლაშარისჯვრის წმინდა გიორგის სახელობის ეკლესიაში. 

საეკლესიო გალობისა და ხალხური სიმღერის გაკვეთილების ჩასატარებლად სოფელ ნავაზის ოთარ ჭილაძის სახელობის ბიბლიოთეკაში გამოყოფილია სივრცე.

სამომავლოდ აღსაზრდელები კიდევ უფრო აქტიურად ჩაერთვებიან ღვთისმსახურებაში.