დაიბეჭდა  ჰიმნოგრაფიული კრებულის III ტომი, რომელშიც შესულია მესამე და მეოთხე ხმის დასდებელნი „უფალო-ღაღადყავსა“ სანოტო დანართით. 

დასდებლების მეცნიერულად დადგენილი კრიტიკული ტექსტი დაბეჭდილია გიორგი მთაწმინდელის რედაქციის პარაკლიტონიდან, ხოლო სანოტო დანართი შედგენილია წმ. ფილიმონ მგალობლის (ქორიძის), წმ. ექვთიმე აღმსარებლის (კერესელიძის), წმ. პოლიევქტოს კარბელაშვილის და დეკანოზ რაჟდენ ხუნდაძის ხელნაწერების მიხედვით.

საგალობლების ტექსტები სანოტო დანართითურთ გამოსაცემად მოამზადეს და გამოკვლევა დაურთეს წალკის  სოფელ სამების ჯვრის მამათა მონასტრის მონაზონმა გიორგი  ასკურავამ და მონაზონმა ექვთიმე კრუპეცკიმ.

კრებულს ერთვის კომპაქტდისკი საგალობელთა აუდიოჩანაწერებით.

გამოცემაზე მუშაობდნენ: რედაქტორი – ფილოლოგიის და თეოლოგიის დოქტორი ედიშერ ჭელიძე, მუსიკალური რედაქტორი – სოციალურ მეცნიერებათა დოქტორი, ეთნომუსიკოლოგი მალხაზ ერქვანიძე,  რეცენზენტები: ფილოლოგიის მეცნიერებათა დოქტორი მაია რაფავა და მუსიკოლოგიის დოქტორი მაგდა სუხიაშვილი.

 კრებულში შესულ საგალობელთა აუდიო და ვიდეო ჩანაწერები შეგიძლიათ მოისმინოთ ქვემოთ მითითებულ ბმულებზე:

https://audiomack.com/bubucheqa 

https://www.youtube.com/@youtubeHymnographical/videos

სანოტო კრებულის pdf ვერსია იხილეთ აქ 

https://drive.google.com/…/1jg9…/view…