მიმდინარე წლის 17 ნოემბერს საქართველოს საპატრიარქოს საეკლესიო გალობის სასწავლო-კვლევითი ცენტრის სპეციალისტები საღმრთო ლიტურგიას დაესწრნენ ალავერდის საკათედრო ტაძარში, სადაც გალობდა  ვაჟთა გუნდი იოსებ კაპანაძის ხელმძღვანელობით. წირვის შემდეგ მასტერკლასები ჩაუტარდა ალავერდის საკათედრო ტაძრის მგალობელთა ხსენებულ  გუნდს და თელავის ფერიცვალების სახელობის ღვთაების მონასტრის გუნდს (ხელმძღვანელი: მარინე ალადაშვილი). მასტერკლასები ჩაატარეს გიორგი აბრამიშვილმა და დავით ბერიძემ.