ქართული  მრავალხმიანი  კანონიკური  გალობის  პოპულარიზაციის  მიზნით  2018  წელს  ანჩისხატის  ტაძრის  მგალობელთა  გუნდმა  (ხელმძღვანელი:  ზაალ  წერეთელი)  საქართველოს  სხვადასხვა  ეპარქიის  ღვთისმსახურებაში  მიიღო  მონაწილეობა.  ეპარქიებში  მგალობელთა  სტუმრობას ითვალისწინებდა  საქართველოს  საპატრიარქოს  საეკლესიო  გალობის  სასწავლო-კვლევითი  ცენტრის მიერ მხარდაჭერილი პროექტი ქართული  სიმღერა-გალობის  პოპულარიზაცია (პროექტის  ხელმძღვანელი:  ზაალ  წერეთელი).  გუნდი  იმყოფებოდა რუსთავის,  მანგლისის,  ჭყონდიდის,  ალავერდის,  ურბნისისა  და  რუისისა  და  შემოქმედის  ეპარქიებში.  მგალობლები  მონაწილეობდნენ  როგორც  საკათედრო  ტაძრების,  ისე  სამონასტრო  (მათ  შორის,  მცხეთის  წმ.  ნინოს  სახელობის,  ბრეთის  წმ.  პიროს  ბრეთელის,  უდაბნოს  წმ.  იოანე  ნათლისმცემლის  სახელობის  მონასტრების)  ღვთისმსახურებაში.

ზემოხსენებული  პროექტის  ფარგლებში  ანჩისხატის  ტაძრის  მგალობელთა  გუნდმა  ეპარქიებში  ქართული  ხალხური  სიმღერის  კონცერტები  გამართა,  ხოლო  ზაალ  წერეთელმა  ჩაატარა  ლექციები ქართული  საეკლესიო  გალობის  ტრადიციის  შესახებ.